Церковнославянский шрифт | Гражданский шрифт
| # | Перевод | Толкование | |
| 1. | В конец, разума Давиду, | ||
| 2. | внегда приити Доику Идумейску, и возвестити Саулу, и рещи ему: прииде Давид в дом Авимелехов. | ||
| 3. | Что хвалишися во злобе, сильне? Беззаконие весь день. | ||
| 4. | Неправду умысли язык твой: яко бритву изощрену сотворил еси лесть. | ||
| 5. | Возлюбил еси злобу паче благостыни, неправду неже глаголати правду: | ||
| 6. | возлюбил еси вся глаголы потопныя, язык льстив. | ||
| 7. | Сего ради Бог разрушит тя до конца: восторгнет тя, и преселит тя от селения твоего и корень твой от земли живых. | ||
| 8. | Узрят праведнии и убоятся, и о нем возсмеются и рекут: | ||
| 9. | се, человек, иже не положи Бога помощника себе, но упова на множество богатства своего, и возможе суетою своею. | ||
| 10. | Аз же яко маслина плодовита в дому Божии: уповах на милость Божию во век и в век века. | ||
| 11. | Исповемся Тебе в век, яко сотворил еси: и терплю имя Твое, яко благо пред преподобными Твоими. |